صاحبي ناصر ابن حسين مالله هداه=يوم جاني وكنه راكبٍ له شفر
لابسٍ فوق ثوبه غطوةٍ مع عباه=لين بنشر عليه اليوم رابع كفر
مادرى بنّ توّه شاعرن قد جناه=ذيب من صلب عزي بالوفا قد ظفر
اقسم ابرب عرش البيت لآرد فاه=دامني للشعر ياناس ضابط خفر
الرثا لا نظمته له تلين الجباه=والهجو من ثمي لا قلت ثلثه كُفر
ابن هندي تحل اليوم فيه الزكاه=قلته اليوم واحفظ قولنا ياصِفر
والله اني لاهدّ بثانيه مابناه=ماهو بخمس كفي غير باصغر ضفر
ابن هندي حفر لي بس كِبره عماه=طاح في الحفره اللي قد حفرها حفر
ياصبي من نطق لازم يثمن حكاه=مايٍغْفَر الذنوب الا رحيم ايغفر
ودنا بالعلوم الصدق دون اشتباه=قم على موترك ياذيب نبغى نفر
ويش حال (الذويد ) اللي بجنبه عصاه=يمرغك لين تاتي بالقوافي قفر
وويش حال ابن عمي يوم كانك وراه=اقصد (الجمس) مالك من كلامي مفر
واوجود المصلي من فعول انسباه=يوم باعو الجماله بالردى واندفر
ياحروف البري في سجن حكم القضاه=ياوساوس حزين بوسط خط السفر
ناصر انكر عليكم يالنشاما صباه=لا شهق قام ينكر صدره اللي زفر
والا انا شاعرٍ نومس هله واخوياه=لا نظم في اليمن ردت عليه الحفر
في منامه لِفوا له جن شنّو علاه=ثم صحى لين قد هو يدفر لكم دفر
لا ابن هندي ولا اللي ركبّوا له جماه=والله اني سديد القول يابن اجعفر
الكِبر خالطه حتى طلع من شفاه=وانكسر كِبره الليله ومني نِفر