أستاهلك ،،،
أنا والله / أستاهلك
لأني نثرتك في سما روحي
قصيد ،،،
كل ماقالت عيونك :
إيش الجديد !
وإن سألني جنونك :
ويش أنت جايب ؟
مدّيت لترف صوتك سحايب
كل سحابة لك في دفاترها
قصيدة ،،،
أو مشروع لكتابة
صاغته روحي بفكرة جديدة ،،،
ياسيد شموسي / أبيك
ياقمر ليلي المترف / أبيك
يامطلع الفجر السعيد
اليا صحا على
صوتك / أبيك !
لما أقول إني أبيك ،،
يعني :
إن العمر مرهونٍ بيديك
يعني إن القلب مستانس
عليك ،،
يعني إن الشوق مختارك لروحي
شريك !
أوعديني !
لا أحتجت لك ليلة ،، تجين
وترجعين ،،
لاخذاك الضيق ودروب الغياب
وإحتاجتك عيني !
أوعديني مانتفارق
لو بدا للبعد مليون طاري
لو كره ليلك / نهاري
ومابكى غيمك / دياري
أوعديني مانتفارق ،،،
لو وقف قدام باب ضيقك
ألف طارق
للغيااااب
وللعتاب
ومابلٌل أيامك ،، من اللهفة / سحاب
أوعديني مانتفارق
أنا والله محتاجك معاي
حاجة سنينك لضحكة أمك
ودعوة أمك ،،
لاسكنك الضيق
وغيّبك همّك !
أوعديني مانتفارق
لو غدابك وقتٍ مارحم حزني
لو تكره ديارك ،،، غلا مزني
لو غيّروا قلبك علي
وإسرقوا طيفي من عيونك
وإسترخصوا عالم أحلامي معك
واستسهلوني في جنونك !
أوعديني مانتفارق ،،
لو نشف دم القصيد بخفوقي
لو كذّبوني بقلبك
او كذّبوا شوقي !
لو طيّروا في فضا صوتك
حمامك بالفراق !
اوعديني
اوعديني
اوعديني ما انتفاااارق !
للمتالق / نآيف آلرشيدي
