اذبحيني ياالمنيه واستبيحي من دمي*
كان أنا سجيت رجلي للردى والا الخطيه
واستلذي صوت امي عند ذبحي بالنعي
كان ما لي فالمواقف فزعه ولا لي حميه
وارخصيني للذياب الجايعه بارضآ خلي*
ينهشن لحمي بليلاً بارداًوامسي ضحيه
كان انا داهنت في ديني وخالفت النبي
او تركت لجام نفسي للهوى والجاهليه
واه يا خوة خويا ما يدانيها خوي
كنت أشوفك لامعاٍ فوق النجوم الفرقديه
اكتسبتك للزمان الشين واحسبني غني
غرني صوت الرعد وسط السحاب اسمع دويه
سقت لك ذود الوفا من صدر رجالن وفي*
مكرمنك في خفوقي والضيافه حاتميه
بعد ذا خذ من قصيدي جوهريات الحكي
أبجديات الحقائق بالحروف الابجديه
يا خويي حامل الرايه يحاسب في الرمي*
لا رمى يرمي برمياً لا يسوق له المنيه
الخصوم اكفاء والراية تبي رجلاً ذكي*
يقصر الخطوه اذا شاف المواقف ملتويه
*نور شمسك لا سطع يشرق بضوً معتلي
يختفي ضوه اذا واجه نجوم المغربيه
ونجمك الي من بريقه كل لوناً يحتوي
يحرقه ضو الشموس المحرقات المشرقيه
وان عبثت اعثب على جال المياه الي تبي
بس حاذر*لا تغامر في البحور الاطلسيه
لا تحسب أني حزينا لو فقدتك يا الخوي*
كم فقدنا من حضارات الزمان الاوليه
الصداقة عقد بين اطرافها ما تنتهي
دام اطراف الصداقة بالمبادئ محتميه
المعادن في الشدائد بالحقائق تنجلي
يختفي رونق جمالك يا الليالي المخمليه
*
**
*
