توفيق يوم اقبلت تالد عليها الجمال=خاتون حلوة تماضر جعل ابوها يدوم
ذلفا وساع المحاجر والمجعد خصال=والجسم سامق وخطوتها على الارض يوم
كنها تزاحف بزلفة من زلافٍ ثقال=كلثوم لمى الشفايف ريقها له طعوم
متولبه وجنتيها هال حالي وهال=نوار قلب العذارى من حلاها هموم
انسى المصايب ليا مرت على كل جال=لا اروحتها اخرج لو ان مافوق جسمي هدوم
لبابة ربعها من صاملين الرجال=قوم تضد المعادي والردي قوم قوم
اعجزت في وصفها ياواصفين الجمال =شالت على اهل الغنج والناجلات القسوم