الملتقى الجماهيري للشاعر محمد بن فطيس المري - عرض مشاركة واحدة

01-30-2012, 10:15 PM

ياسفينه..وانت (ياسورالمدينه) ,,

وانت يالبحار ياللي توّ وادع والدينه
الحزينه..
علموني ليش مانامت..حزينه.!
من جرحها..
من خنق ضحكه بصوت الفاتنه حتى ذبحها.؟
يافرحها
ليش غايب.؟

ليش عافوك الحبايب.؟
ليش صار الشوق ذايب.؟
وانت يا حزن المسافر..
انت لين الحين فاكر.؟
أو نسيت.؟

وانشغلت بشخص ثاني
غير ذاك الاولاني
وانتهيت..
كنت شمعه وانطفيت..
كنت دمعه وارتميت..
بصدر ظالم

صدر متمرّد وحالم..
له يجي مليون خادم..
ابتلى كل الاوادم..
ثم جاني

جا يردد آه ياصوت الاغاني..
صوت ناي وصوت عود وصوت قانون وكمنجه
ثم توجه لي ووجه..
اساله تبغى جواب..
وراح ليلي من كتاباً في كتاب
وطال عمر الاغتراب..
وغاب فجر الاقتراب..
وياعذاب.....
مرحبا بك يا عذاب..
اسكن بصدري وغرّد قبل صوتي..
خلهم يبكون موتي..
ياسكوتي..
لا تكلّم..

لاتوهّم..
لاتظن الخير حتى لو تبسّم..
لاتنادي..
خلني برحل واغنّي يابلادي..
واعتلي متن السفينه..
واحضن البحار وامسك في يدينه..
والحزينه..
كلها يومين ويقولون ذي (كانت) حزينه..

(شخص واحد) دوم يبقى للمسافر صوب عينه..
(شخص واحد) انت ياللي يحجبه (سور المدينه)..

بــوح
عـجـاج الـسّـنين