تمنيتك تجيني بحلم واعيش الحلم انا وياك
رسمتك بالشعور انسان وشفتك نصفي الثاني
لقيتك عشقي الضايع وعالم فيه انا اهواك
عشقت الحب من حبك وقلبك داوى احزاني
حضنتك دمعه في عيني وانت عيون من يهواك
وشلتك بالحشا مابين ضلوعي ووجداني
ملكتك وانت مالكني حبيبي جاني الي جاك
ويوم ضاقت الدنيا حضنك هو تلقاني
حشا مافكر بغيرك ولايهمني مشي الاشواك
بعذرك ماتعرف شلون قدرك وانت اوطاني
لك الله ماخذلتك يوم من فيه داخلي يسواك
احبك يااأمل بكره دامك نصفي الثاني
