ابطلبك يا صاحبي واترجاك
يكبر بعينك صاحبك لو تدلع
عله كما نجمن تعلا بالافلاك
طفل ابدوين بالقصايد تولـع
يكتب حروفك ويتهجا ويقراك
إيداع في كل الزوايا مضلـع

أصد عن بعض السواليف وأرقـا=ارقا بفكري لا غدا الفكر مجنـون
وادوس قلبن منحرق منك حرقـا=لين المحاني من فراقـك يغنـون
ماني من اللي تسرق الشعر سرقا=كم ليلتن سامرت قافي على الهون
ياقاف ما حدك على العسر طرقـا=سج القلم والحبر ماليه لـك دون
لا تناظر المقفي اليـا لاح برقـا=البرق يبرق والجماعـه ينـادون
غض البصر خلك عن البرق شرقا=ما كل برقن لوتشوفه لك ايصون
في خاطري زحمة تغنـي لورقـا=دفنتها في داخلي خـوف يـدرون
اشوم عن فعـل الرديـات وانقـا=لا حدني ضيقي تراجعت بالهـون
نفسي عزيزه دايـم الـدوم تبقـا=ارفا ذراها في ذرا شمس هالكون

مخرج
لا تعاندني ولا تشره على حبر الكتابه
القلم مافيه حبر وكل احاسيسي تشابه
يوم ناديته على بيض الصحايف واحتميته
قام ينزف كنه الهمال من وجه السحابه