الملتقى الجماهيري للشاعر محمد بن فطيس المري - عرض مشاركة واحدة

#1 03-05-2012, 01:35 PM

بسم الله الرحمن الرحيم

صباحكم/مساءكم باالخير كيفكم يا غالين.................اما بعد

شاعر رائع وجزل بمفردته العذبه وسلاسه قيفانه الا وهو الشاعر:عبدالله الجزلاني استطاع

المشاركه في النسخه الاولى من شاعر العرب مع فطاحلت الشعر امثال:سعد بن جدلان

و سلطان الهاجري وحقق المركز الرابع اليكم بعض ابداعه قصيدة جميله جدا اتمنى ان تحوز على

رضاءكم واستحسانكم يقووووول فيهااااا:

بنت الشيوخ وذكرها طيب ومطلبها مجاب..

من قدرها عند الملا ترفع قدر مرسولها

غرسه مهابه توها نبته وانا توي شباب..

ماهيب تشكي من انقلاب السنه وفصولها

تكبر وتصغر هقواتي واحتسب لجيتها احساب..

ماكنت اظن اني على مر السنين اطولها

واليوم حظي جابها واول علامات العذاب..

كل يوم اراقب وش حواليها واراقب طولها

ترد لي عقلي وارش الطيب مع بياض الثياب..

لو ان عيني مااهتنت من يوم شفت زولها

جتني ولاعندي خبر مدخالها مع اي باب..

مدري جذبني لونها والاجذبني لولها

اللول مبري عودها واللون من لون السحاب..

واهون عليه من لميع بروقها وقذولها

واقول من خوفي على الغافل وصفحات الكتاب..

ياالله دخيلك من تكاثرها ومن هملولها

ميقافها فاالساحه اللي لاتعيب ولاتعاب..

ماكنها الاسيدة قصر وخدمها حولها

تهاب منها فااللقاء المشهود روؤس ماتهاب..

وتخلف ثبات عقول ناس ماتهز عقولها

من لينها تشرب من الشهد المصفى والمذاب..

ومن قوها جوف الثرى على ماقيل ارجولها

وترابها خد سقاهـ الغيث مااعدهـ تراب..

الاليا من عودت"حمر النعم"لاصولها

وانا لو عطتني علامه بان عمري للذهاب..

واشغلت بالي من سببها فاالسنين وهولها

في سد وجهي مايجيها لا سؤال ولاجواب..

الاليا قامت ضحى بقعاء تدق اطبولها

وش هو مصيري من خدمها لو يسوون انقلاب..

معاد لي مقعاد اعدد افعولهم وفعولها

بـ امشي واقول فخاطري مااظن كملت النصاب..

نادولها يااهل النصاب المكتمل نادولها

وابعد عن عيون العرب واللي يفكر ليه غاب..

لاينشغل باالكلمه اللي ماقدرت اقولها

وتقبلوووووووووووووا تحياااااتــــــي

المصدر: الملتقى الجماهيري للشاعر محمد بن فطيس المري