بوكيه ورد وعطر لإحساسي معه أجمل قصيد=أربع مراسيلن على شانك ولا عبرّتهن
راحن ولا جنّي بعلم ولا عرفت اللي نريد=والشوق عاندني وانا من غربتي سفرّتهن
ياليتهن يلفن لو ان اللي يجيبنه شديد=ما عدت اميز من بعدهن والدموع ابحرّتهن
إن كنت في وصلك تشح ولنت في قربي سعيد=خسارة عيوني يوم اني بالبعاد اسهرّتهن
غبت وعذرتك واحسب انك في غيابك ماتزيد=وانته تنكّر للعيون اللي حشا ما انكرّتهن
ليه الجفاء يا صاحبي قلبي ماهو قلبن بليد=لو كنت حي وعايش بدنياك ما هكرّتهن
ليه القلوب تموت والمعنى هو الراي السديد=حتى عيوني من فراق الروح ما شاورّتهن
أدري عيوني والمشاعر ماتبي غيرك فريد=لكن هذي هي تصاريف القدر واعذرّتهن
والله يرحم حب من يثمر كما الطلع النضيد=ويبست عذوق الحب لا بعته ولا سعرّتهن
مات وقبرته بالمقابر واعتبرت انه شهيد=وسكرت بيبان الغلا بالمقبره سكرّتهن
واليوم مالي غير قاف ومثلي لقافه يجيد= نحرت حبي والقصايد بالكمال اشهرّتهن

المصدر: الملتقى الجماهيري للشاعر محمد بن فطيس المري