الملتقى الجماهيري للشاعر محمد بن فطيس المري - عرض مشاركة واحدة

03-23-2012, 10:35 PM

اقتباس

المشاركة الأصلية كتبت بواسطة محمد المري


	السلام عليكم ورحمة الله وبركاته اليوم بنطلع من جو الغزل والالم والاهات والحب بندخلكم في بحر من بحور الشعر الاخرى عسى ترسي بي وبكم الى بر الامان اللي يلد النظر للناس وحكاها ـــــــــــــ يتعب فؤاده كثيييير وتتعب عيونه يبغى يكحل عيون الناس واعماها ـــــــــــــــ يتعب وبعد التعب جاوه يذمونه قد قالوا الناس صعب ٍ تدرك رضاها ـــــــــــــــ وناس تعدى رضاك وناس من دونه اما بكت ناس ماتدري عن بكاها ـــــــــــــــــ والا ضحوك ٍ وهي بالغيض مشنونه خلك بدنياك والعالم بدنياها ــــــــــــــــ وكلا مع الوقت له دنياه وشطونه حث القدم للعلا لا تقصر خطاها ـــــــــــــــــ وما شفت من مطمع ٍ غيرك يشوفونه لو ان راعي العلل يقدر على دواها ـــــــــــــــ ما كان به عالم ٍ مرضى ومغبونه ولو ان نفس البنآدم تاصل مناها ــــــــــــــــ كلا تمنى يعيش ويقضي ديونه لكن الاقدار ما ندري بــفــحــواهــا ــــــــــــــــــ تخلف هقاوي الفتى وتخيّب ظنونه تغريه وتسير له ويروح يتلاها ـــــــــــــــ تلهيه عن ما يحب الله وتخونه الناس ما ادري بتالي الوقت وش جاها ــــــــــــــــــــ في كل مكروه والا نقص مفتونه قوم ٍ ابت تفتهم الآيه وتقراها ــــــــــــــــــــ الكلمه اللي من الرحمن موزونه مضمونها ناس ٍ نسوا الله فانساها ــــــــــــــــــ ومن سبة الفسق ذات النفس ينسونه قد أفلح اللي عن العصيان ينهاها ــــــــــــــــــ اللي جعلها لدين الله مرهونه الناس طاغين وانا كني اياها ــــــــــــــــــ اللي يذم الدهر واللي يسبونه مادام للناس حيله فالدهر جاها ــــــــــــــــــ ان كان تقدر على أحيا العشب يحيونه والا تحاول تشافي كل مرضاها ـــــــــــــــــ يبرون ما يستطيعونه ويشفونه رزقك على اللي خلق نفسك وسواها ــــــــــــــــــ ما قدّر الله من الارزاق مضمونه الحاجه اللي ورى العربان ما ابغاها ــــــــــــــــــ ان ما تهيّت ردى وان جات ممنونه وسلامتكم

وعليكم السلام ورحمة الله وبركااته ,,

وانت ساالم ودمت على كل عز وغلا وحياااااك الله يامحمد وحي ماجيت به ,,

صح الله لسانك وصح كلك ولاهنت يامحمد قصيده جزله من الوزن الثقيل ماشاء الله عليك ,,

تحياتي وكل تقديري وخالص احتراامي لك .