مدام مافـي عقـد !! ولا مؤخـر صـداق!؟
مانتـي بليلـى !! وانـا مانـي بمجنونهـا ..!

صحيح شوقي صفقني في غيابك طـراق
لكن لـي غايتـن ماطيـح مـن دونهـا !!

في راكبن اللي قبل ماتنـوي الانطـلاق ..
تاخذلهـا دورتيـن وترخـي متونـهـا ..

ماكنها الا قطـاة يـوم حـرب العـراق!
جفل عليها الرصاص وحال مـن دونهـا !

يوم اقلعت واستوت من تحت سبع انطباق
ومن بين غر السحايب تسحب ردونهـا !!

شفتك تلوح على خيط الغـروب الدقـاق !
تودع ارضي وشمسك تفضـي جفونهـا ..!

حسيت بالضيق في صـدري بالاختنـاق
ساعه حواسيـد عمـري مايحسدونهـا!!

ماضعف من القلب لاهزه هوا لااشتيـاق
لافاح صـدره ونفسـه بـاح مكنونهـا !!

عليك ياللي عليك اغلى القصايـد تسـاق
سوق الركايب ورا البـدوان وضعونهـا !!

هبت هبوبك وجالك بالضلوع اصطفاق
وميلت نفسي معـاك ومالـت غضونهـا !!

وتزبرت روس وبلك من صدوق الحقاق
عنـدي وكـل البشـر يمـي يخيلونهـا !

لاتحسبني بأسمـع فيـك هـرج النفـاق
اللـي يعقودنـهـا والـلـي يحلونـهـا !

ارتاح والقلـب بيتـك والمحانـي رواق!!
ومكانتك لو بغوهـا صعـب يوصلونهـا ..!!