قصيده مرسله من الطالب ماجد بن ناصر الشغار بالمرحله الابتدائيه عندما وصله خبر نقل معلمه سلطان العبدالله التميمي من مدرسته الفاخريه بمنطقة الدوادمي الى منطقة الرس التعليميه فما كان من معلمه سلطان التميمي الا ان رد عليه هذه القصيده
يقول ماجد في قصيدته التي يطلب من معلمه التراجع عن النقل ويشكره كذلك
كل باقة ورد يطرقها نسيمـي=من نسايم نجد لا هبت عذيه
وازرق الكمبود غادٍ له بريمي=لك يبا ينساق يالطيب هديـه
يامرب الجيل سلطان التميمي=نفتخربك والفخـر للفاخريـه
تفتخر بمعلمٍ شهـمٍ كريمـي=له على الطالات طلع ومقدريه
مانبيك تروح يالحر العد يمي=فيك مانعتاض لو جانا سريه
والله انك بيننا د ايم مقيمـي=لك مقام وقامتك دايـم عليًـه
رد عليه استاذه سلطان التميمي
سًر قلبي مدحكم وانهـل غيمـي=باصدق الهمـال باشعـار نقيـه
بالثنا للي على الجزلـه هميمـي=ماجد اللي ياعسى ايامـه هنيـه
سرني بابيـات كالـدر النظيمـي=من وكالة شعـر بالغالـي غنيـه
ماعليكم زود يالحـر الحشيمـي=ياعريب الجد ياعـذب السجيـه
انت ياماجد حشيـم ومستقيمـي=وقبلك اخوانك حـرارٍ صيرميـه
ماخسر والدك حيث انته فهيمـي=يوم صرت بمكسب الجزله حليـه
اشهد ان عيال ناصر من قديمـي=درب ابوهم بالوفا يمشون زيـه
من يعقب حـر للجزلـه نديمـيي=تبعه بالطيب في صبح وعشيـه
ومن يعقب بوم عـزالله عقيمـي=لو يعقب له من الورعـان ميـه
ودبرة الدنيـا بتدبيـر الحكيمـيي=جري الاقـدار والخيـره خفيـه
لو حصل نقلي على غيرالقصيمي=ماقبلت النقل لو يعـرض عليـه
رحت مير القلب في دارك امقيمي=ديرة العتبـان جزليـن العطيـه
وما علي خلاف مير انه لزيمـي=بالوفـا ماودنـا يعصـا بشيـه
وان قعدت او رحت ماظني يهيمي=ضامري من غيركم ياهل الحميه
ذا مرد القاف والمقصد سليمـي=ومدحة الي قـدرن حـقٍ عليـه
ياعساكم من نعيـم فـي نعيمـي=ومايدوم الا الثنـا بيـن البريـه
اهْرَبّ مَنْ الّذَكرَىٰ وَاعَوّد إلَيهآ
......................كَلّ الّدرَوْبّ لْذّكرايآتَكّ تّؤدْيٰ
آخَافّ لاَفّقَدْهَآ وآخآفّ آنْتَهِيهَآ
..................آعَيِشّ وَالّذكْرىٰ صرَآع وتَحّديٰ
