ياعزومي ساعديني لين اعدي ماحصلي ---- وافهقي عني ثواني يالهموم ويالكأبه
المشاكل طاردتني من محل اليا محلي ---- واقرب الاصحاب حتى صار من ضمن العصابه
لين صرت اشك حتى في تعابيري وظلي ---- واطرح اسئلتي على نفسي وادور للاجابه
اتحاشى لاتكلم واجرح احساسي وانا اللي ---- دمعتي صارت تكلم عن لساني بالنيابه
اتهرب من جروحي والبلا مجروح كلي ---- واتهيأ للقصيده واكسر اقلام الكتابه
ليتني في بوظبي ذا الحين ولا في حوللي ---- لا غرابه لا بغيت ارحل واسافر لا غرابه
عبدالله حمد
