05-01-2012, 03:32 AM
|
|
|
الحمام الراعبي يكفي حـــــــــزن .......؛’
يا الحمام الراعبي يكفي حزن
كلما مريتني احزنتني
طير دور لك مساحات ومزن
الفضا ياسعك وانت ابلشتني
لا يغرك طولي او ثقل الوزن
نبرتـ (ن) خلت خفوقي ينحني
الرزن لو ضاق بتشوفه رزن
سكر الشباك يا الطير الهني
الشعر ما هو فقط قاف وزنّ
الشعر فكره عقب ما جيتني
من ثمان سنين ضيفت الحزن
نام بين العوج عاش بموطني
يمه اذنك ما تصيح ولا تزن
السوالف والسنين تعدني
من رحلتي والغصن ما يتزن
والطيور تمرني وتملني
صورتن خزنتها وسط الخزن
شفتها يا طير وما علمتني
يا الحمام الراعبي يكفي حزن
جيتني و انا حزين وزدتني
كلمات بندر الرشود
(.gif "s17") اتمنى تحووز على اعجابكم )
,, اللهم اجعل مدونتي شاهدة لي لا علي , وارحمني برحمتك يَ كريم
|
