رعاك الله يـا شـوقٍ تقفّـاه الهـوا .. مـن غـرب
يشيل مـن الغـلا والحـب .. شـيٍ فـوق طاقتنـا
غشاه من السكينه ما غشى المكـروب يـوم الكـرب
نـداء القلـب بالمـرصـاد .. والاقــدار ساقتـنـا
وانا لو لا مداهيل الغلا ما جيت ذاك الـدرب
ولا كحّلـت عينـي مـن بقايـا .. اول علاقتنـا
لكن جيت اتمشّى .. لين شفت اطلالنا عن قـرب
وجاوبت الهبوب اللـي تسولـف عـن حماقتنـا
ومتى عشنا كـذا .. وادنـات شـي يسـد فاقتنـا.!!
تفاهمنـا علـى مبـدا الصداقـه والكـلام الـذرب
وضيّعنـا الكـلام الـذرب .. وانهينـا صداقتـنـا
لازلت انفض جناحي فالسما .. لو كنت بـرا السـرب
لكـن اقبـل نهايتنـا .. ولا تنـسـى عراقتـنـا .!!
