دمع عيني لك حلال ودمعة عيونك حرام = تستلذّ الدمع من عيني وقلبي تهجره
يوم قلبك ما ملاه الهوى شوق وغرام = ما لها داعي تجامل وقلبي تجبره
كآن بيدك قولها قبل مآ أبدآ بالكلام = أهون ولآ أنثر على الحب ورد المقبره
مآ بنت الأحلام فالحب للعاشق سنام = هكذآ الأيّآم تعطي الدروس المثمره
رح فمآن الله معآد لك عندي مقآم =-باب قلبك ما هو بكيف قلبي يكسره
كآن ما للعاشقين بمحبّتهم وئام = كيف نجبر حبّنا والشعور مبعثره
إيه بعدك يمكن العين ما تقوى تنام = وإيه بعدك كل شعرٍ كتمته بأنثره
وإيه بعدك باهجر الحب وابقى مستهام = عايشٍ ذكرى حبيبٍ يقولون إهجره
سمّها زي ما تسمّي غبا والّا إنتقام = المهم أبعد عن القلب والحب أقبره
وأوعدك براجع القلب والوعد التزام = وكل شيٍ فات لزمٍ عليّ احضّره
كان جاك العفو فثن التحيّه والسلام = والعفو سيْد المكارم وعند المقدره
هكذآ يعني نسيتك وطلّقت الملام = يآ حسافه صار فرقاك عندي مغفره
لا تقول إنّك جرحت المحبّه باحترام = جرحك الماضي ترى قدم عيني منظره
مآ هو بصالحك لا تنبش جروحٍ قدام = خلّها يومن قلبي غفر لا تقهره
استلذ العمر قدّام وانساها دوام = دامها وحدة بوحده واش اللي تنظره
تزهر ديارٍ سنيّه على وبل الغمام = الله اللي وآمره والله اللي قدّره
مثله يقولون الهوى يسقي قلوب الهيام = وانت حبك يسقي القلب مرّ ويسْكِره
رح خلاص وخل قلبي من فراقك حطام = رح وخبّر كل عاشق بحبّي خبّره
انتهى فلم التحدّي وعام الحب عام = خاينه من جنس حوّا وءآدم شبّره
كل مآ نآحت على الغصن ترفآت الحمام = قال يالله عفوك اليوم من كيد المَرَه

المصدر: الملتقى الجماهيري للشاعر محمد بن فطيس المري