ضخت عروق الدم فيني يوم لامست الخيال=ثم سرت الذكرا على قلبي وانا منها حزين
ما بين غايات الهوى ومنافساتي للمحال=اهمل بفيض المعاني يوم همالي سمين
اقرا وارتب ثم ابين ويش هو معنى الجمال=واخالف علوم الردي واسطر امجاد السنين
الفيض يدفق والجمل تختال في صمت الرجال=والغيض في قلبي وضع مرساه بالهم الدفين
ثارت تعابير العنى يا ذا البشر من كل جال=والليل سدل والمصايب دغرقت في كل عين
لاموني اصحاب اليمن برفقة اصحاب الشمال=واهل الشمال تلومني فالصد وابليس اللعين
وان جيت با اداوي جروحي كن في جوفي سلال=تفج من بين الضلوع وتنحر القلب المتين
واروح اردد ارحمو عزيز قوم اليوم ذال=ما بين طعنات القفى والشامت يسمى فطين
اقفى وهو يبكي ودمع العين فوق الخد سال=ولا التفت صوبه سوا ناسٍ غجر متشمتين
يا وجد حالي له ويا غبني لما الموال طال=ولا لقى له بين خلق الله بشر مستنصرين
ثم صدت الدنيا بوجهه والفرح عنه استقال=وشاف من حوله بشر على الردا متكا تفين
ثم صاح صيحه وانفجر جوفه وغبنه لا يزال=بين الضلوع العوج ينفث من شرارته اكسجين
الموت خير وخيره وفرقى المهانه راس مال=يا للاسف كيف العرب ترتاح في قتل الحنين
شوفو وش اللي صار في تونس قبل بضعة ليال=ثم سطرو اللي صار للاجيال ياللي حاضرين
انا حزين ودمعي اللي سال زاد الاشتعال=احرق خضار الخد واتبخر عرق فوق الجبين
