05-20-2012, 08:45 PM
|
|
|
رد: رشيديات ( شعـر )
.
طعن رمح القلم صدر الورق واقتص منه الثار
تعب صمته يكابدها وانا ما فيني يكفيني
.
تصفق فرحه حروفي وقيفاني تدف الطار
ورد الثار بسلوم العرب يا بنت يعنيني
.
ابكتب فيك واكتب لك وأزخرف لك سماك أشعار
وشوفك في سما شعري مزون دوم تسقيني
.
تبلل يابس عروقي وينبت لك غلاك ازهار
شذاها نفحة حروفي وموطنها بساتيني
.
هلا يانفحة حروف القصايد يا شذى النوار
هلا يادرة انواع الجواهر يوم جيتيني
.
حكم شرع الهوى (نظره) ولايجزي بخطاها اعذار
ثمنها عشق لا يفنى ولو تفنى به سنيني
.
كسرتي الموج وابحرتي سفينه وانتي البحار
وسط صدري وصدري البحر وامواجه شياطيني
.
تسيرني مجاديفك ويسكن موجي الغدار
تهب الريح وتكسر مجاديفك وتشقيني
.
عشان ان هبت الذكرى وصحت جمرة التذكار
وهز الشوق فـ اغصانك من العنوان تقريني
.
علي النصيفي
.
.
.
Rule NO. 1 :
Rshed Is always right
Rule NO. 2 :
If Rshed Is wrong see Rule NO. 1
-
|
