الله واكبر ياصدوف المقادير = والله واكبر ياضروف الليالي
مدري وش اللي صار لي ياعسى خير = اعتب على نفسي انا وش جرى لي
يوم اتذكر حالي اول مع الغير = عايش مع العالم ومبسوط بالي
كنت انتظم مع قاعدة خير ياطير = تقدر تقول الشخص ذا مايبالي
واليوم لي عامين محتاس تفكير = مبعد عن العالم وعايش لحالي
شخص انطوائي عانقه هم في بير = بير(ن) عميق ولا تصله الحبالي
اليا ذكر ماضيه من باب تصوير = يرثي على حاله بدمع الزلالي
واليا نشدني صاحبي قلت في خير = وانا همومي مثل صم الجبالي
اسند لها كتفي ورود ومصادير = واشيل ماشالت ظهور الجمالي
كل السبب باللي حصل دون تخيير = طعنت خوي الجنب وفراق غالي

المصدر: الملتقى الجماهيري للشاعر محمد بن فطيس المري