05-24-2012, 07:55 PM
|
|
|
الا واعذاب القلب الا واعذاب الروح ... الا واعذابي منك يا سيد خلاني
السلام عليكم ورحمة الله وبركاته
الا واعذاب القلب الا واعـــذاب الروح
_____ الا واعـــــذابي مــــنك يا سـيد خــلاني
ثلاثة سنينن كــلها في عــــذاب ونوح
_____ ولا لي جـــــدى يا كود بوحي وقيفاني
ولو شفت حالي عقب فرقاك يالمملوح
_____ سوات الطريح اللي من الباس وجعاني
صويب الهوى دايم حياته شقا وجروح
_____ ولا له دوى ودواه يا زيـــد ما جـــــاني
ليالن مضت بيني وبينه طرب ومزوح
_____ على ضو قـــمراً في مشــــاتيل بستاني
أغيض العدا وأجيه لجله وأنا مسموح
_____ ولا طــــعت عـــــذاله من إفلان وفلاني
على العهد والميثاق والخاطرالمشروح
_____ غــــلاها تمكــــن وسـط قلبي وشرياني
لكَن القـــدر مقسوم واللي كتب باللوح
_____ مصير البخت حاصل ولا عنه جحـداني
رعاك الولي يا جعل يومك سَعد وفروح
_____ ويبعد هــــموم الوقت عَنك والاحــزاني
يردد حروف اسمه حمامٍ سجع بالدوح
_____ وهيض علي وجــــاوب القلب وألساني
مضى ما مضى يكفي ألم والدموع اسفوح
_____ كفايه حــــزن يكفي من الحـب حرماني
فهد ثامر المرزوقي
|
