السلام عليكم ورحمة الله وبركاتة
هاذي ابيات بسيطه واتمنى ان تنال على رضاكم
يــاهـم ريّـح لاتـــحاول تعــنّا
انا بجي لك دام خلّـي نسـاني
مابه مجـال اصد منّـا ومنّـا
جميع درب اجـيه يمك حدانـي
والخـاطر اللي ماذكر انه تهنّـا
كله سبب جرح(ن) قديم(ن) طواني
ياهـيه ياللي بالمواصـل تــمـنّا
الله حسـيـبك كان بعدك بلاني
والله حسـيـبك ماتفكر تحـنّـا
جمر المفارق في غيابك كواني
افرحت عذال(ن) بجرحي تغنّا
وافرحت شمّات(ن) بحكيه شواني
مـن اول(ن) كـنّـا وكـنّـا وكـنّـا
وذلحين مابه غير ذكرا زماني
وان كان جايزلك فراقي ... فـحنّا
مانتبع المقفي لـو الوقـت شـاني
واختـامها ياللي بوصـلك تمــنّا
بدلت راس طويق بـاسفل طمـاني
وسلامتكككم
تقبلوا تحيااااتي/ ظافر العرجآني
