ايتوق صدر ٍ ما عبر فوقه مـن النسمـة عبيـر
من ناعم الخدين لي خـدّه ضـوى منـه شعـاع

وايتـوق قلبـي للـذي جـازى هوانـا بالنفيـر
جافي ولا عدّ الجفـا لسعـات فرقـى و التيـاع

ارسم معانـاة الجفـا فـي غابـة ٍ فيهـا فقيـر
يوعان واظبـاع ٍ عليـه التمـت وكلهـا جيـاع

وارسم معاناة النوى صبر ٍ بـه الحـال الخطيـر
يستلفظ انفاس الدموع و لابـس ٍ ثـوب الـوداع

يختل وضعي وكيف ما يختـل والمجفـي ضريـر
ما يبصر الا ايشوف شمع الهجر باللقيـان مـاع

لا تحسب الهجران يا خلّي تـرى جـرم ٍ صغيـر
فيه انطوى كون الصبر وازدادت اللهفـة اتّسـاع

هجرك قطار و نهدتـي اسمـع لغربتهـا صفيـر
خايف سكك هجرك ركيكـة ويحتويهـا الانقطـاع

بركان في صـدري شهيقـه ينتقـم منـه زفيـر
واحزان في عمري حممها يحتـدم فيهـا انـدلاع

كفّـي انقطـع وآنـا ألـوّح للتجافـي والهجيـر
نبضي وجع راح و رجع والهجر ما منه ارتجـاع

النوم للاعمى حبيبي غيـر عـن نـوم البصيـر
حتى ف منامي ما اشوفك غير زرع اسنين ضـاع

دمعي مريض ويجمعه بالخد يـا عمـري سريـر
مدري يعالج وعكتـه شوفـك او إنّـه للضيـاع

يا هاجري اصغي عروقي شوف هل تسمع خرير ؟
هذا هدير الحب لـي بينـه و هجرانـك صـراع

من كثر ما دقيت ابـواب اللقـى واسمـع نقيـر
راسي يشم ارياح جابت لي من الفرقـى صـداع

ان كان قلبي مثل نسر ٍ خايـف وضلعـه كسيـر
خلّي اللقى واطلق سراح انمور هجرك والسبـاع

هي كانت اعيونك وسيعة يـوم شفتـك بالاخيـر
خلّي عيونك يا حبيبي فـي ألـم صبـري وسـاع

حتى القمر خاين طلـع لا شافنـي شفتـه كثيـر
مـا وده ايخلينـي اتذكـرك.. لابـس لـه قنـاع

ابحرت واشراعي همد في لجّـة الدمـع الغزيـر
شقيت من ثوب الامـل و الصبـر للقيـا شـراع

اتورد اعروقي ظما؟ وانتـه يداعبـك النميـر ؟
!الله يسامـح قسـوتـك كلـمـا دعــا لله داع

تدري حبيبي كيف سليت الخفـوق بشـيّ غيـر ؟
او كيف وزّيت الصبر ينسى غصب واليـوم طـاع

صورتك عنده لا نظرها حسّ بـأن الدنيـا خيـر
واترقّب احضورك معـه والحاجـة أمّ الاختـراع