الملتقى الجماهيري للشاعر محمد بن فطيس المري - عرض مشاركة واحدة - بڪْيت.. ولآ لقيت آلي [ يقۈول ] ۈوش فيڪْ ~~ ضحڪْت .. وڪْلهم [ قآلوآ ] وش آلطـآري ..! ‏!!!

06-18-2012, 01:18 AM

يا صاحبي لا تزعجك دمعة العين

بعض الدموع تعقّب القلب راحه

اليا نزلت من ضيقةٍ فالشراييـن

يعود للقلب الحزيـن انشراحـه

بلاك من دمعٍ محدّر على ويـن

ماله بساحات الرجولـه مساحـه

اما نزل لعيون سـاره وداريـن

والا بعد فوز النصر ونجاحـه

ما يطرح دموع الرجل غير ثنتين

ثنتيـن فيهـن دمعتـه مستباحـه

الاوله لا من غـدا الليـل ليليـن

في ساعةٍ كلٍ هجع في مراحـه

لا فز من نومه زبـون الامرّيـن

واعلن مع الرحمن ساعة صراحه

عدّه سجين وقصّته عقب يوميـن

لكن سبقْه العفو واطلِق سراحـه

والثانيه لا فارق القلـب غاليـن

فرقا مهي فرقا السفر والسياحـه

فرقا الكفن والمقبـرة والمعزيـن

فرقا سؤال المغفـرة والاباحـه

في غيرهن يا صاحبي ريّح العين

واستنقص الدنيا وتـزداد راحـه