هذي قصيده خاصه فيني ارسلتها لواحد من الشباب
واترككم معها ..
اسمع هدير العير ولا رغيه=ولا اتوكل والمقادير في الغيب
ياناس ماني له ولاهو بليه=دامه على جالي سوات اليعاسيب
ان ماقلط يشرب من الشاذليه=ولا تعشى مع هل الحيله اذنيب
راعي الحيل ماسرج العولقيه=وحقوه من جلود الحصيني ميازيب
خبر القبيلي يعرف القابليه=وانتوا بعدنا في الرتب والمراتيب
يحمـار يلي جيت في راس حيه=الضاهر انها ماكفتك المشاعيب
مالك وسط بيض النوايا نحيه=لاجيت منّاحي تجر المنحايب
اركب على هون المراجل شويه=لاقالوا الك الناس لاتاكل ازبيب
اقولها والكور فوق المطيه=مندوبهــا ينقل كلام المناديب
ماسجت من الهرج روحه وجيه=وان جيت ابا اركبها تعد المراقيب
يافرث ياحرباي يابربريه=ياحنشلي يابرث غبر الدغاليب
ماكنت احسب ان الردى بك كذيه=الين قد منتك حدرك طباطيب
تحلق عريقك ياعلابيك هيـــه =لوانت تجعل من عليها مية تيب
ان جيتني بالشعر جيتك سريه=وان جيتني بالعز جيتك لواهيب
وان جيتني بالذل والمهمهيه=جيتك بقصة قتل جساس وكليب
وان جيتني عارض علي الهويه=ناديت في الاتراك ضلمٍ وتعذيب
وان جيتني بغشاوة الزمزميه=شوتها لك لين ترقى العلابيب
علباك والا الي سواتك سويه=اشك فيــك ان قلت انا صيب بن صيب
والخاتمه راعي الغوا بان غيه=وانا على الله والمقادير في الغيب
