مرحبا باللي مزاياها الوفى طبع وجبلّه = رقمها الاول على الارقام ماهي بالاخيره
عالية بالحق دايم عالية والعالي الله = بنت عمي وافتخر فيها واسمّيها " الأميره"
يا سفيره كل علم غانمٍ ما فيه زله = جتني حروفك وانا قلبي مشقوى يا السفيره
جتني حروفك وأنا صدري به من الغبن علّه = والعيون النايمه ما هي كما العين السهيره
حرفك يهيّض خفوقٍ ما تهنّى في محله =عزتي للي رماه الوقت وايدينه قصيره
ان بغيتي الحق صوت المسلم بهون ومذله =والرجى بالله ولا قد خاب من ربي نصيره
آه وآ ويلاه وآ وجدآه من همّن نشلّه = غير كثر الهم ما سل المسنّن من جفيره
العرب تحتاج قومة وقفتن ماهي مظله = يا نجيب الكاس والا الفاس يقطع ما يديره
الحقيقه يوم غاب الدين بقلوب المدلّه = وطوطت روس العرب والنصر ما جانا بشيره

المصدر: الملتقى الجماهيري للشاعر محمد بن فطيس المري