بسم الله الرحمن الرحيم
السلام عليكم ورحمة الله وبركاته
مسأ:كـمًِجوري
ومبروكـًَِعليكم الشهر المباركـًِ,
.مقدمأ
اترككم مع القصيدة
اتمنى تنال ذائقة كل من يحب الشعر الجزلًٍِ
لاشنت همــومي علــي الغاره،،،يســوقــــني شــوقي لشـوف دياره
دارٍ يبكيني ليا من جيته،،،وادعــي عسى الغايب لفتُـــــه اخباره
وادور الاثــار محــدٍ مــره،،،ماغــيــــر سافــي والمــحـل واغباره
عــــزاه يادارٍ حضنت الغالي،،،قفـــــرٍ وكــن مانـاخــت ابك ابكاره
يادار مالي بك مـــرام وحاجه،،،لـــو شفــت رجلــي بالدجى سياره
الا عشان اللي ضعونه شدت،،،واقفـى ولادري وين حظه داره
مابانت اثـــاره وقـــدي دربه،،،ولاتــــرك يـــوم الــرحيـل ايشاره
ماكــان منُه الا الصــواب الوافي،،،اللــي حشــا قلبـي صلاه بناره
ولوتستر اسياج المحاني جرحي،،،،اتشــوف بالوجه الحزين اثاره
ولو ادري ان حكم النصيب ايجيبه،،،ماكان غيم الموق هل امطاره
كنـــي يتيم ولا لقى من ضمه،،ولحـــدٍ مــن اطراف القرايب زاره
قالـــوا غلا الغالي يطيح بهجره،،،لا والله الا يـــــرتــفــع معياره
ياكثــر ماجتني وصـــوفٍ نًدر،،،اصل الجــمال اليعـــربي وخياره
لكـــنً لي حاجه ولا يقضيها،،،الا القــــريب اللي بعيـــــد اجداره
تلع الرقاب اشقر غنوجٍ ضامر،،،راع الجـــديل اللـي ثلاث امتاره
وراع الرموش اللي سواة الاقطم،،،لافكــت سبوقـه عجب صقاره
امصرولٍ وافحج عريض المنكب،،،وليا انطلق مثل البروق اطياره
هـــده على خربٍ وراح بكانا،،،مخـــالبـــه مـــاتــــوجعـــه بتاره
ماسلُم من خاف الفراق وجوره،،،ولا صدق هرجٍ عرفت اضراره
مسكيـن ياللي ضيع اللي حبه،،،ولا عـــرف ذنب الهجر واسراره
مايسعــفـه صبرٍ وصدرٍ واسع،،،يضيق بالــــه لـــــو وسيعٍ كاره
وانشهـــد ان الحي لامن والف،،،يصعب عليه البعـد دون اخياره
قولولـــه اني ماطمعت لغيره،،،لايطيع عذالـــه وعـــــــوم افكاره
كانه على جرحي دواه اوصاله،،،وكانه على اعذاره قبلت اعذاره
نواف بن واثل
