سلام الله وينقصها التصافح وانا ماصافح=على هذا نقول الوقت غير وفاخر الهجره
وكم شعار نعرفهم وكم ضاوي وكم سارح=يقولون الشعر والشاعر اللي يحبك الفكرة

الا يامرحبا بالشاعر اللي كنه يطارح=يبي يمكر بخلق الله وانا عندي دواء مكره
الا يابعد فرق الليله الليله من البارح=لزوم ان تعرف ان اللي مضا مايرتجا بكره

ولا يتاجر اللي لك زمن تخسر ولاتربح=ولوقلنا له المنتوج ما نلقى ولاذره
تدكترنا وفهمنا ودرسنا وكم نشرح=لكن الفرق بين الناس فالمعقول والقدره

تقوله ماتقوله والعلوم بصالحي ترجح=نوردها على الصافي وخلك تشرب العكره
تريح يالحجازي دام انا بالدار لاتفرح=الاياشين وجهك بعد ماتصحي من السكره

سرى لليل المغني يوم قلنا له علـى المسـرح=تركد وفهـم الموضـوع وعـرف قطفـة الثمـره
وكم فارس ليا شاف الوغى فالخلف ما يشبح=يهاجـم ماعليـه اخـالـف والـكـره ورى الـكـره

يقولون العرب من حزموه الناس مايفلح=ترا للحين مادونت شي ينوجب ذكره
كثير اللي يعاندني وخلي روسهم تقرح=القمك الشحم لكن نفس ترغب التمره

حليل القربه اللي يوم شفناها ضحى تنضح=وماينضح دليل اللـي بهـا لوكـان مسستـره
اشـب النـار وانـا اللـي مولعهـا وانـا بقـدح=وازيدالنار بالمنزيـن وزيـد الحطـب سمـره

مهذري يالمهذري والمهذري قصته تجرح=الا ياعزتي لـ الشايب اللي باخره عمره
زملت من العجوز اللي وراك وجيتني تجنح=يبي يشفي غليله بس ازود حرته جمره

على مفهوم غير وياعليل القلـب لا تشطـح=انا اشوف المعني مثل قطوة جات منحشره
حليـل ام الكبايـر يــوم لاتـرفـس ولا تنـطـح=ولاهزت جبل شمـرخ ولا هـزت ولا شعـره

تبي تندم على فعلك وعذرك لايصير اقبح=ليا طول عليك الليل ضعت وطحت بالغمره
ترا ماهي على كيفك غشيم ورايحن تسبح=ترا قسمك مع الاشناب فالباقي على السفره

ابـو زيـد الهـلا لـي طبـع فيـه وديـدنـه يصـفـح=ولا يحمـل مـن الدنيـاء كـريـم واسـعـاً صــدره
يقـال اللـي بليـغ اعـذب ليامنـه هــرج افـصـح=يعرف اللي نصب غير اللذي مكسور بالكسره

ترا خير الرجال اللي ليا قر بخطاه افلح=لافات الفوت يارجال ماتنفع معك حسره
انا بعطيك شوري وانت حدد موقعك واشبح=ترى الماسه معك يسره فخل دروبك العسره