07-02-2012, 06:07 AM
|
#24
|
|
شــاعــــر
مُتيمٌ في زوايا الإنطِوائيه
|
بيانات اضافيه [
+
]
|
|
رقم العضوية : 8314
|
|
تاريخ التسجيل : Mar 2012
|
|
المشاركات :
1,083 [
+
] |
|
التقييم : 495
|
|
الدولهـ
|
|
الجنس ~
|
|
MMS ~
|
|
SMS ~
|
|
|
لوني المفضل : Cadetblue
|
مزاجي:
|
رد: اللي يجيد الشقر يدخل
عبدالله السناني
نبدأ لكم ياجماعه ب السلام السلام
والمعركه مانهايتها السلام السلام
نبغى لنا شاعر(ن) يفهم بمعنى النظام
ناخذ علومــه عـلى الدلــه وفــنجالـها
جات الرساله وهذا نصها نصها
والعاقل اللي تسده نصها نصها
مدام طاح العبير اللي عليه الخطام
نبغى نعرف اليتاما ويش يـبـقــالها
ــــــــــــــــــــــــــــــــــــــــــــــــــ ـــــــ
محمد الشريف
ياصاحبي مامعاك الا الشريف الشريـــــــف
لو انت مثله ولا انت ابن الشريف الشريف
حنا نعرف الحلال وعارفين الحـــــــــــــرام
وغترتك لاهب ريــــــــــح اتطيح اعقالهـــا
مامعك من غير ذي ياصاحبي غير غيــــــر
لاتحسب ان العرب مثلك ترى غير غيــــــر
وان كان طاح البعيــــر يطيح خرج السنام
والي بقا لليتيم الفين بلحالهـــــــــــــــــــــا
ــــــــــــــــــــــــــــــــــــــــــــــــــ ـــــــ
عبدالله السناني
انا الــسنـاني ذراكــم بالــصـبا بالـصبا
وانته ليا اللحين وقتك بالصبا بالصبا
مدام الاشراف مثلك يحملون الوسام
يالله عسى اشراف مكه تكثر عيالها
عندي حقايق لساني عدها عدها
واما علومك دخيلك عدها عدها
كانك مسكت الطريق ارجوك شد الحزام
ترى الحوداث كثيره وانت تبرى لها
ــــــــــــــــــــــــــــــــــــــــــــــــــ ـــــــ
محمد الشريف
حنا حكمنــا المدينه وانت به وانت به
وليا بغيت الخطيه فانتبه وانتبــــــــــه
لاشك الاشراف ماترضى عليها الكلام
شيبانها طيبها مذخور لعيالهــــــــــــــا
اليا عطيناك منـــّـا تذكــــره تذكـــــــره
لاشك درب السنع بالتذكـــره تذكــــــره
من شان تنشاف مابين الصقـر والحمام
ربعك تغني ولا العشقه على بالهــــــــا
ــــــــــــــــــــــــــــــــــــــــــــــــــ ـــــــ
عبدالله السناني
ابواب ذيك السفينه سدها سدها
قدام للناس تكشف سدها سدها
القافيه ساريه وانته بوسط المنام
ضيعت بالقافيه والحال يرثى لها
انت ملخبط وشقرك منشقر منشقر
والعود في يدك شفته منشقر منقشر
خلك على الاوله في صبح ولا ظلام
البدو ماتنزل الا وسط منزالها
ــــــــــــــــــــــــــــــــــــــــــــــــــ ـــــــ
محمد الشريف
الضاهر انك تدور عقلهـــــا عقلهــــا
من بعد عدت العلوم وعقلها عقلهــا
القافيــه واضحه معنى ونقضي تمام
مالي شغل في الضعوف الي على حالهـا
تتعب ورايه ولانته للضفر للضفـــــــر
خذ علم ماهو بشم اهل الضفر للضفر
في العلم ماشي معك لاكـــن ذل النعام
ابعده من عزتـك لن طاب رجالهــــــــــــــا
ــــــــــــــــــــــــــــــــــــــــــــــــــ ـــــــ
عبدالله السناني
السالفه يــمكم لا بــدها بــدها
لاكن تفضل بسرعه بدها بدها
السالفه واضحه لاكن برد وسلام
مادامها واضحه ليش اتعنى لها
ياصاحبي يامحمد خلها خلها
بنت الهوى دامها مع خلِها خلِها
حطيتها لك ترا بين اللحم والعظام
الاوله من نصيبك وانت مرسالها
ــــــــــــــــــــــــــــــــــــــــــــــــــ ـــــــ
محمد الشريف
حنـا ترانا معاكم حيلنـا حيلنـــــــــا
معاد منكم تجو الا حيلنا حيلنـــــــا
عنــك يبو زيد وش دخل عيال الامام
لعيونها قلت للثنتين كرمالهــــــــــــــــــا
السالفه يالسناني كبهــــــــا كبهــا
والدله الي بيدك كبها كبهــــــــــــا
ان كان عندك شحم هات الشحم ياغلام
الناس تكرم طراقيهـــا من دلالهــــــــــــــا
ــــــــــــــــــــــــــــــــــــــــــــــــــ ـــــــ
عبدالله السناني
جات السحابه ويطرب جوها جوها
وقـلوبكـم مـاكشفنا جـوها جـــوها
البرق في شرق لاكن وابل الغيث شام
ودياركم بالمطر ياجعل عقبالها
البحر الاحمر ترا فيه القروش القروش
والخزنه اللي بداخلها القروش القروش
وانته سرقت اليتاما ياخفيف المقام
لا والله الا اليتاما راحت اموالها
ــــــــــــــــــــــــــــــــــــــــــــــــــ ـــــــ
محمد الشريف
لايالسناني تريض وامش بالهون هـــــون
مامن ورى هرجتك ياكود في الهون هون
راحت عليك السوالف جعل مابه مــــــلام
لاقام طاري القبايل جابـــــــت افعالهـــــــــــــــا
البحر الاحمر مافيه الا السمك والسمـــــــك
والله تعالى معلـي بالسمك بالسمـــــــــــــــك
انتوا ياهل طيبه اكــرامٍ عيال الكـــــــــــرام
لاكن تالــــــي نهجنهـــــــــــا من اريالهـــــــــا
|
|
|
لاذكرتك جات بين العقل والخافق حرابه ** انت والخافق وعقلي كلكم ضد => السناني.؟
حسابي في تويتر ~> تُسعدني مُتابعتكم
[فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]
|
