وشلون لامرّت علـى البـال ذكـراگ || || وطيفك سرق منـي لذيـذ الرقـادي
وشْلون لا قالوا لي الناس وش جا || || من كنت فـي لـذّة منامـك تنـادي
وشْلون اعيش اللـي بقالـي بليّـاگ || || لا مـن غدينـا كـل واحـد بـوادي
لو قلت اداوي جرحي اللـي تباطـاگ || || ماكلّ جـرح يْفيـد فيـه الضمـادي
أعلنـت حبـك ليـن كـلٍّ تمـنـاگ || || غلطة وغيري من خطاي استفـادي
لو لي مثـل قلبـك تمنيـت فرقـاگ || || واكيد قبلـك بالجفـا صـرت بـادي
حلـوه عذاريبـك وحلـوه مـزيـاگ || || حتـى بيـوم فراقنـا كنـت هـادي

كنّ الليالـيِ ودهـا تكسـبِ رْضـاگ || || وأنا يطـول مْـع الليالـي جهـادًي
في ذمتي .. ماهي غريبـة خطايـاگ || || مبطي وقلبك لـو تنبّهـت غـادي !
سهلة على من گان مثلك وشـرواگ || || مثـل الثيـاب يغيـرّون المـبـادي
علمنـي أكـره ذكرياتـك وطريـاگ || || وأنسى من الليلة صـدوق الـودادي
ولانيب قايل عقبها ويـن أبلقـاگ || || راضي لو إن جروح قلبـي جـدادي
وإلاّ القصايـد جعلهـا مـن فدايـاگ || || لبّستهـا مبطـي ثيـاب الـحـدادي
باكر على المخطي يـدورنّ الافـلاگ || || ونشوف من يصعب عليه البعـادي ! \