دستور ياهل الشعر دستور دستور=عندي هنا شعار من كل ديره
من يمسك الطابور ومن ياخذ الدور=ويسل سيفه بالمعاني الشطيره

عين الصقر تحتاج مسعف ودكتور=خوف (ن) عليها من الجموع الغفيره
نادت وجوها من هل الشعر جمهور=حسب كلام البنت والله كبيره

المشكله ابغى بعد صف طابور = كله عساكر مع جيوشن كثيره
يحمون من غطت على باقي الحور = خوفن على ثورة عقولن صغيره

يابنت هدي واسمعي مني الشور= تمهلي ترى المساري خطيره
الليل موحش والبلد شبه مهجور=وانتي بجو الليل مانتي خبيره

دامك خبير بجو مضلم بلى نور =وفيه المعاني كل ابوها مريره
الليل ماهو بس( للي لهم دور) =لرضاء غايات النفوس الحقيره

جيتي على ضني وهالحين مجبور=اقول روحي وارجعي يا الأميره
الشعر فن وذوق واحساس وشعور=وانتي لعذبات المعاني سفيره

من لاعرف للصقر يحسبه عصفور =يشويه لو هو كان في كل ديره
وياللي تعرف الحق وتميز الزور =الشامخه ماتنقصر بالمسيره

عين الصقر مع طلعة الشمس مصقور=يطير لاكن ما يوكد مطيره
ياشين حال الصقر لا صار مغرور=ودك تحطه وسط جوف السعيره

الحر لامنه كفخ عالي السور =مايقنصه قناص بيده ذخيره
والفكر لامنه غدا حيل محصور =راعيه في هرجه علومه فقيره

عنتر شجاع وباللقاء خوفه ثور=والظلم هز الكوره المستديره
ماطار طير إلا وقع غصب معثور=يا الله عسى في تالي الأمر خيره

المصدر: الملتقى الجماهيري للشاعر محمد بن فطيس المري