حبيت لي مجنون ماهو بينحب=مجنون حب وجن عقلي وحبه
يجرح وينساني وجرحي بلاطب=وانا انتظر ياجمره الشوق طبه
واصبر وجمر الشوق في داخلي شب=ليته يدفي وحشه الصدر شبه
وليت الهبوب اللي ضحى السبت ماهب=هيض علي جرحي بصوته وهبه
وليت المطر لا لاح براقه وصب=يرهي على داره بخيره وصبه
ويحيي عروق الشوق في شوق يارب=وألا يخاف بضامي الشوق ربه
قلبي بليا شوق سيف بلا حرب=وعجزت في سلمه ولا احتلت حربه
ان جاء فله وسط الحشا ديره ودرب=وان راح فالله يسر اليوم دربه
بصبر لو ان جرح المحبه بلا طب=وبانتظرياجمره الشوق طبه

المصدر: الملتقى الجماهيري للشاعر محمد بن فطيس المري