عن مانويت امليت والحرف مكتوب =استرسله من زايد الشوق ن فله
قاف ٍ من اغلى غالي القول مجيوب=من هاجس ٍ صعب القصيد انعس فله
باسمي نسب معناه معنى ومنسوب=والي نسبلي لاغرور الشر فله
من حيث له في نفسي اوطان ودروب=وخوافي ٍ في خاطري تنكش فله
ان زارني من هاجس الشعر مندوب=كل المشااعر داخلي ترتل فله
العب وانا لعبي بالامثال ملعوب=صادق ومن عذب الورود اقتط فله
ولامقصدي حب التطاول وانا دوب=ابدى طريق المعرفه واتص فله
واحسب حساب اني محاسب ومحسوب=ولااقتات من قوت المكابر وحف له
ابني وابين موهبة كل موهوب=والعارف اعرف قيمته واعترف له
لكن عرفت ان اكثر الشعر مكنوب=واكثر معاني سافل العرف سفله
وش مايسمى من هجيني ومسحوب=حين عزفوله والعزوف انعز فله
امسى يغنيبه من الصب مصيوب=ماقيل يبناله بقرب التل فله
تنااوله ذاهب ومذهب ومذهووب=ومن لاعرف معنى وجوده ذلفله
يامعتني بالشعر انا عنك مانوب=اسمع وشف بالعين وضعه وش فله
والجزل جزل ٍ غير عنتر وشيبوب=والشاعر المغرور شعره نز فله
انا اتحدى بالشعر كل عرقوب=واهـد ّ حيل الي يميل التر فــله
على الجبل راسي على الرفع منصوب=نعم نعم مليون ياروح ط فله
راع الوفا دايم مع الناس محبوب=وراع الخنـاء لعيونه الفين ت فله
وين انت يلي لك سناا الشعر منصوب=ياواصف ٍ بالوصف محد ٍ وص فله
له بالقصيد اسلوب واسلوب واسلوب=كم موقف ٍ من طيب ساسه وقف له
هـــ د اج والي غير هداج مكبوووب=عد الروى لوكل حي ٍ زحفله
وحنا بعالم طالب وغير مطلوب=ياليت من يدري قبل يتص فله
تمت