الملتقى الجماهيري للشاعر محمد بن فطيس المري - عرض مشاركة واحدة

02-14-2011, 07:58 AM

اقتباس

المشاركة الأصلية كتبت بواسطة العقاب


	روعه روعه يا امواج انا استمتع كثير بهالنص الشاعر الجميل وانا انصحك يالغاليه بما انك في بداياتك الشعريه انك تختاري فكره قصيره وابياتها قصيره ايضاَ يعني لما تجين تكتبين لا تتعبين نفسك بفكره طويله قد تاخذ منك الوقت .. بأمكانك تطوير نفسك حبه حبه .. يعني امام هالقصيده اللي فكرتها تتشعب وتتشعب وتخليك تكتبين ابيات اكثر وتزيدين ابيات .. وعلشان تتطورين بسهوله وبسرعه الافضل كتابة قصائد قصيره .. كبيتين فالحب او ثلاث ابيات فالغزل او اربع ابيات هجاء. .. او خمس ابيات وصف .. وواصلي فتره على كتابة الابيات القصيره مع مراعاة الوزن لان لاحظت في بعض الشطور ولا اقول البيت كامل فيه خلل في الوزن بسسبب كلمه بسيطه مثل شطر .. ( من عقب ما من بواصله عليه ) <- واضح وعلى فكره من الاشياء اللي تساعد الشعراء المبتدئين هي البحر السهل .. مثل بحرك واظنه المسحوب .. انا ماني خبير لكن وجهة نظر واحتكاك عملي وتجارب قد تفيدك .. وصدقيني ما تعبت نفسي وكتبت في متصفحك .. الا لاني ذهلت بالروح والشعور اللي عندك .. اتمنى لك التوفيق والله يوفقك وان شاء الله شعراء المنتدى ما يقصرون بملاحظاتهم .. وحاولي انك ما تحبطين من النقد .. <- اجعلي النقد طريقك الى الامام .. دعواتي القلبيه تحياتي لك

ارحب ^^
حياك الله اخوي الاروع حضورك بتأكيد
سلم مطنوقك
وبالامانه هذا اطول نص كتبته كلهن ماتتعدى 8 ابيات
مشكور ع النصايح ورفع المعنويات
وعن الشطر اللي قلته يمكن انت مانطقته صح لانه {ما من } >اقصد يمن يتمنن بمعنى يتغلى
حبيت اوضح هالشيء لان كثير يقرائها {ما من }بمعنى {مافيه }
ومشكور ع التنبيه وبراجع هالشطر واذا يحتاج تعديل عدلته
ربي يعافيك على ماسطرته
اقدر لك مرورك ونقدك البناء ونصائحك المثريه لبوحي
و افا مابه احباط بالعكس لولا وجود امثالك من اهل الخير
اللي يشاركون علمهم من يحتاج له .. ماتعلم المبتدئين من اخطائهم
العقــــــــــــــــــــــاب
حضورك بحد ذاته وسام وشرف لي
اسعدتني سطورك
راق لي مرورك الجوهري
دمت في طيات متصفحي وبين سطووره فانه لايكتمل روعته الا بحضورك
تحياتي لسموك s7