اقولك شي ماقلته لحد مره
ابختصرلك شعوري فيه واقوله
العشق مثل الممات ان جا يجي مره
ياخذ مساحات قلبك عرضه وطوله
وانا الهوى تل قلبي صوبك وفره
معقول ولا انها ماهي بمعقوله
وكاد عيني من الهوجاس محمره
وكاد خضر الطعون اليوم مقبوله
ولعتني لين ماقمت اتبع الجره
امشي معك مثل من ضاعت به حلوله
شفني قضبت الطريق افل واصره
وليا اعترض درب غيرك ماني بحوله
بينك وبين القمر ياصافي الغره
تظهر ولا يظهر الا حزة حلوله
الحسن فيك انت مايخفي علي سره
اخذت عين الوحش وامن المها زوله
تعال كر الخفوق وعاود الكره
خذ في مساحات قلبي صوله وجوله
عطني من الحب خيره واكفني شره
وابشرلك إبقلب ساري معك مفعوله
راقت ليs7
