الجود طبع للرجال المناعير=الجودالماجوب مايتركونه
مني لبو صالح تحيه وتقديري=من عادته مايقصر المدح دونه
بشرتنا والله يبشرك بالخير=ماضاع من حطك صديقه وعونه
الطيب ملك للوجيه المسافير=بهدافهم وعزومهم يدركونه
سلم على خالد صبي المخاسير=بلغ سلامي وانشده ويش لونه
قله ترانا بنتظاره طوابير=خويهم من غربته يحترونه

يا مرحبا واهلين مع حمية الزير=واهلا هلا يا سعد من ذي فنونه
يا مرحبا والجود من جمة البير=والطيب ربعن والعلاقة مزونه
سلمت يا طيرن بعالي المواكير =لا حام هيبة حومته من متونه
فرضن على الخوة وفانا مع الغير =وخالد شهر ذكره وحنا بعونه
واما السلام ابشر ببشرى وتبشير=سلمت من سلمه ولا هان شُونه

جا للشعر وأهل المعاني تعابير=وانا مع اهل الشعر حافظ لحونه
مابين ابو محمد وعامر تقارير=شي ٍ جميل وسر عيني بلونه
يامرحبا واعداد ماغرد الطير=من هاجس هايض وهاضت شطونه
الطيب ييبقى والليالي مدابير=والعز في قلب ٍ وفيه ظنونه
مشكور ياعامر ولامنك تقصير=ولاهان ابو محمد بوافي شجونه
مني لكم كل الغلا والتعابير=والله ولي الكون عالم بكونه