شاع ذكر اهل المشاعر والهوى يا ناس غربي=والفهد واقـف مكانـه والمعانـي صيرميـه
وانتهض قافي على خالد وشفت القاف سلبـي=كيف با يوصف هل النخوات ورجـال الحميـه
مامعي غير ازهم الهاجوس واناديـه طربـي=صوب حماي التوالي والحصـون الهاشميـه
اقصد محمد وفي جنبه رقيـت وشـد صلبـي=الشريف اللـي مواقيفـه معـي دايـم نديـه
وان تفزع قافي لفزاع صـار القـاف حربـي=بين طيات الكلام اطويـه طيـه عقـب طيـه
واذكر اخوات الرجال وما علي لا زان دربـي=عاليه والماسه اللـي نارهـم للغيـر حيـه
والجروح اللي مشاعرها معى التاريخ قربـي=ما علينا من غلاهـا كـان ضربتهـا قويـه
وان ذكرت الفلوه انسى يا هل الناموس كربي=وان ذكرت سعيد زادت كيتي فـي كـل هيـه
الجفا منـه حرمنـي زادي ولـذات شربـي=رقمه اللي في جهازي مقفل وصمتـه رزيـه
وانت يا عامر عمرت الدار يوم اجتحت قلبـي=وقفتك مثل السبـاع الضاريـات الصيرميـه
وان فتحنا باب للشرهات جـف مـداد حبـي=يوم ابو مشاري جعلني بين خلق الله ضحيـه
ومن نسيته لا يعاتبنـي ولا يمشـي بسبـي=والتحيـه لال مـره كلـه ختـم القضـيـه

من تحاليل المعاني والوفاء واقلام كتبـي=يازهور الود فوحي من قرى نجـد العذيـه
أنتخت شرد المعاني وأصرخت يانار شبـي=وأحرقي كرة المفارق واقطعي حبل المطيه
انهجي منهج عريب ٍ منهجه ماهوب صربي=يعربي واليعربـي مايقبـل علـوم ٍ دنيـه
يوم هاض الفكر هبي ياهبوب النود هبـي=وانعشي قلب الشقاوي عن مطاريق الشقيه
مرحبـا يلـي تقـدم والحقايـق ماتخبـي=وجه من يبدابها والصح اخير من الخطيـه
جبت ياناصر تقارير ٍ لهـا نهـر ٍ يصبـي=من منابيع الوفاء والطيب ونفوس ٍ رضيه
حيث قلبك فيه غيره عن مواقيف المكبـي=كل مازادو تزيد العزم عـن درب الرديـه
فيك خير ومنك خير ولعب فنك مثل لعبـي=في صباح الخير والا يامساء ذيك العشيـه
تمدح اهل المدح يالوافي وعلمك لك ينبـي=بالنوايا الغامضه مثل العسل مابـه حليـه
كن كما من كان لاكانت ظروفـه تستتبـي=ما يحث اقدام رجلـه للتعـب فالمهمهيـه
انت تدري والمعاني خافيه والنـور قبـي=كل مايسدل جناح الليل عاقه مـن مجيـه
من وحل وادي محل مايذكر المعبود ربـي=يوم علمك صار واضح بالحروف الابجديه
والبدايه والنهايه يازنـود الشعـر شبـي=واحرقي خشم الفتيله وازهمي راع العبيـه

من تباريح الكلام الزين يـا ذكـراي طبـي=من ربا نجران في قلب الحدث سوقي العطيه
المعاني من جوابـك يـا خويلـد تلتعبـي=حسب تعبير الكلام وحسب تحديـد الهويـه
جيتني للشعر قايد يوم انـا جيتـه مربـي=والنوايا البيض تطمث كل شان وكل سيـه
من ينابيـع الوفـى مديـت للتقديـر لبـي=والخطايـا فالنوايـا والمعانـي جوهريـه
فك مكنون الهوا يا ابن النشاما واعتصبـي=وابشر بمدت شريفٍ ما يمالي فـي خويـه
ما نبيها يالعبيريدي تجـي حسـب التنبـي=ما اجمل الابيات يوم انها تصـدر واقعيـه
لا قدحت زنودكـم شبـت وعيـت تلتهبـي=لن جوفي نار حيـه دايـم الدايـم لضيـه
الليالي تكشف الواقع لـو انـا لـه نخبـي=ظلم فرد اتسبـب بنكسـه قويـه عالميـه
اول التطبيب طبـك واخـر التطبيـب طبـي=قالو ان اخر عـلاج الكـي والدنيـا مديـه
رايتك بيضـا ولكـن لا تحـاول تنتشبـي=لو تساندني تورد نفسـك لحـوض المنيـه
مالغبك حد يـا خالـد ولكـن تـو غبـي=ينتهي موج الهوا بالصمت والطرقه سويـه
جاكم الطاروق من بدعي وردك جا يخبـي=والعبيه ما لها غيري وانا حامـي السريـه
ناري اللي فوق راس طويق عيت لا تهبـي=نورهـا وضـاح والدنيـا معاقلهـا دنيـه
للنقى والعز تبقـى يالمرحـب لـو تلبـي=دام لك وقفة وفى بيضـا وغرتهـا سنيـه

من نجوم الليل شبة واستدلت منـه شهبـي=ولعة حرب البسوس وعـاد كسـاب الونيـه
قلت فيها ياهلا تسبق هلا مـن قبـل غبـي=يا لحون المعركه منتـي لحـون السامريـه
ياعدوي يارفيقي كيـف جنبـك ظـام جنبـي=جبتها واشتلتها والنـاس فـي ليلـه هنيـه
المعاني عندكم من زود زادي ضمن شربـي=والحقايق واضحـه مامـن كثيـر ولاشويـه
اقدح الزند وتحيـزم والنبـاء بالعـزم نبـي=والله الي عالم ٍ بالظاهـره ضمـن الخفيـه
كـل ٍ بفكـره وعزمـه والسبايـا ماتسبـي=لاتجيب ولانجيـب الصمـت حكمـه للبريـه
يومك السادس لقيتـه بيـن رجواهـا يدبـي=ليه مدري وين بالك وانت ماتبغـى العصيـه
حاضر ٍ والقيل قالـو ربعكـم مافيـه كبـي=والرياح امست ومنها يالشريف ارضك خليـه
تدري اني فالاوايل من قديـم الوقـت دربـي=ماعليك من الميول اصبـر وانـا لا ماعليـه
وادري انك نار من نيـران ماتطفـي تشبـي=من يصاليها يحصـل سـو والدنيـاء دنيـه
مير فك الباب واعرف ذنبكم من قبـل ذنبـي=ياعجاريف العرب رودي علـى رود الرقيـه
محزمي محزمك والطرقه على الشكلين رعبي=والله أعلم من يكون الي على الدرب الضحيه
جيت في دار الهوى واثر الهوى مافيه لعبـي=يطرح الرجال لين يـذوق كـاس المرمريـه
مايقارن وضع من قربه يمثـل حـال قربـي=بعد واحلام ٍ لهـا فالبـال ساعـات ٍ بطيـه
ابذل المجهود وادركهـا قبـل يومـك يتبـي=حالة العراف حالـه والبـلا سـاس البليـه

يا محمد بن سعد وش قومهم سموك لمبي=هي حكايه واقيعيه او مجرد مسرحيه
والعتيبي لو تعبا لي وعب البحر عبي=ما شفى علة حشاه ولا روى الكبد الضميه
صك بابك قبل لا يتيك عبر الخط ال بي=ويتكوى قلبك المسكين وتعود شويه
المصايب فوق راسك يالعبيريدي تصبي=ما فهمت ولا وعيت ولا قطعت العنجهيه
المدايح لك سرت مني وانا ماني بطربي=وانت مابين المدايح تشعم النار الوعيه
لا تبينها على العالم وانا ماني مغبي=بس لك تقدير عندي والمبادي سرميه
بس لامنه ركد عزم الغلا والا وثبي=ماني مقلد حكاية قيس ليلى العامريه
حبكم لو ينطحن جوف الرحى ما اندق حبي=لا تحيزم لي وانا راعي الصروح البابليه
ناصر اللي لو تضيق به الديار بلا تصبي=ينتهض مثل الحرار لمخلبه روحك هديه
التنافس ما يضر ان كان ذب العرق ذبي=والتهاون ما يبرر يالنشاما للاذيه
جيتك مفادي عليك وجيت صوبي تنتحربي=هجمتك لو هي نداويه بتلقاها غبيه
الحقايق واضحه بس الوبى دايم يوبي=والشدايد فاضحه ما بين حر وبين فيه
ما بذلت الجهد لجلك لا ولا ثار التعبي=والذي يبغى ينافسني هلا يا حي حيه

اخضعي ياهامة الشعار عندي ثم لبي=هاجسي وقت الغضب والا على وقت الزريه
يوم ناصر حضر المكتوب في نهجه وقفبي=الكرم والعز والغيره عليها قابليه
البحور السبع لو جفت تزايد من نحبي=والله الوالي وهو رجواي عن قول الاذيه
يالشريفي ماجلهتك وانت في ضفي تضبي=تاخذ وتعطي وروح الراي من روحك عديه
المدايح والاوايل سجلت من حين حسبي=وانت لك كل البواقي يالشريفي والبقيه
من يثاب القيل عيا في طريقه لايثبي=يدركه غيضه قبل مايدرك الحل بيديه
كل ماقلته عليك يبين والعلم متنبي=والسوالف ماتبين الا على حوض المنيه
لاتقربها مدام انها بعيده يالمعبي=والعتيبي مايفصلها على سير الطويه
كيف تقصر مدتك وتعود لي ثم تحتزمبي=ماتعرف اني خبير ولامعاون جاهليه
وقفتي وقفة زيعم ومثلكم ماهو منبي=تقصر اشبوحه على رجواه والرجوى رجيه
شد حيلك والعبيريدي على حيله يربي=مثل من يبدا ويرجع والمواقف فيصليه
لاتراجع كان لك وقفه على حل المصبي=لامذله لامهابه والعزايم فالحميه
ردة القيفان نسخرها معك والصح الالبي=مايفسرها شبيهك فالظنون الاوليه