اليا كتبت انصت ياناصر ويسعيد=وانصت ياخالد والسناني بينصت
لو اني ملّحق زمان المقاريد=عنتر وقيس ان كان الاوضاع خبصت
اجواد وانتوا دون شكات اجاويد=لاكن انا لاجيت الاوزان نقصت
شاعر ولي حدي ولا فيه تحديد=حوى رحمها الله ماتت ولا اوصت
ان قلتوا انكم تكتبون المجاريد=انا هجوسي لو تدانيت مَحْصت
وان قلتوا انكم جانيين المحاصيد=فالارض من يومي على الارض مقصت
لاكن بي بلوى ولي مربط وقيد=بنات حوى كل بنتٍ تنصّت
انا اشهد انهم يذبحوني وانا صيد=صيــدٍ سهل روحــه لجل خل رخصت
عذبني المجمول ملعون ابو الجيد=عيني من المحجر ليا مر نفصت
انا اشهد ان فيني عشانه تناهيد=لو وزعوها في فلسطين مِحصت
لاكن انا بنشدكم ابدون توحيد=ردو علي سكينة الغدر ملصت
العلم هاك وهاك مافيه ترديد=يبغى رجال ابطونها ماتمعصت
حنا عرب ولا خواجه مجانيد=كلٍ يشوف امنينته قد تمخصت
حارب شكسبير وفزعله ابو زيد=ياجعل كرشة راعي الكرش قرصت
والعلم ذا ختمه ومنكم نبا الفيد=يالاربعه شلو الجمل لاتقصّت

المصدر: الملتقى الجماهيري للشاعر محمد بن فطيس المري