ترى الجدي ياسهيل ثابت محله=من خلقت الدنياء مكانه ولاغاب
يسري به التايه وشوفه يدله=يضوي على ذوده وربعه والحباب
ولانت ياسهيل المطر فيك خله=معاد تصدق بالوعايد وكذاب
امن اول ٍ ياسهيل والجود لله=ترسل تباشيرك حقوقً وصباب
امن القنوف الي مطرها تهله=تملأ بها روضً وتدرج بها شعاب
تفرح بك البدوان شرقً وقبله=أليا غدا نورك مع الصبح جذاب
قبل الفجر مقدار تفويح دله=تنعاج لك بدوان بعيون ورقاب
رجعت وخترت القصيده كلها.. وعزالله صدقت البدو في السابق ينتظرون نجم اسهيل. ياتي معه المطر . يوم الله يريد..
الله اكبر على كل شيطان . قلت لك من اول قصيده لك انك على الفطره بدوي وشعرك شعر بدوي
وشعر البدوي هو الاساس لأنه الشعر الصحيح وسبق قلت لك شعرك وراثه..
اعجابي بدون حدود بيض الله وجهك وارجوك لاتبخل علينا .
تقديري وحترامي وتقييمي واعجابي.لك..
