السلام عليكم ورحمه الله وبركاته
لقيته بلا ميعاد صدفه بدافع شوق=وحن لاتواعدنا يقول إنه ماجاله
جذبني سنا خده وأنا رايح للسوق=وتلمع على الأنوار دقات سلساله
تبسمت في وجهه وشليت لي طاروق=تعشى على الحجان والجفن مقياله
يهزي يقول إني كما واحد مطفوق=وتضحك علي ناس وأنا اقول حلاله
انا لي ثلاث سنين قلبي معك مسروق=وأنا مختصر للوضع ماحب طواله
تلعثم وحمر خده وضيع المنطوق=ومن شده إحراجه نسى يشيل جواله
أنا ماذبحني غير لبسه رفيع الذوق=أشوفه حصان(ن) شارد مات خياله
فديت العطر والظل والخاتم المدقوق=وفديت العيون اللي بنضرات قتاله
اتمنى ان تحوز على رضاكم هذه المقتطفه ونتقبل آراؤكم بكل صدر رحب أخوكم ابو بطي
