عيوني فيه مجنونه=وقلبي في غيابه ذاب
بنى حبه على هونه=بناه وماجعل له باب
وانا محتار من دونه=اشوفه غير قلبي هاب
اخاف اخيب ظنونه=وظني في القدر ماخاب
اشوف الدمع فعيونه=ولا اعرف للدموع اسباب
سألت الزين وشلونه=وقال الحب بان وغاب
طعنا ومكن طعونه=وخلنا مثل الاجناب
وقسم الناس يرضونه=مدام ان القدر غصاب
مسحت دموع فعيونه=وقلت القلب بعدك تاب
هدمت الحب وركونه=ولالي في الفراق اسباب

المصدر: الملتقى الجماهيري للشاعر محمد بن فطيس المري