بعد السككـ ..
صباحكم / مسائكم
شعر وأحاسيس اخويه ..
أحد زملائي المقربين جداا محسن النغيمش مبتعث بكندا كان هنا يقضي إجازته
ولما عاود لإستكمال دراسته بعثت له هذه الأبيات ..
بعد السككـ
ياشيب عيني من الدنيا وسواياها
كل مافرحنا بجمعتنا ... تفرقنا
لكن يبقى الوصل لقلوب نهواها
بقولبنا حزة إن الشوق يطرقنا
مادام بإن اللقى بعيد رجواها
لكن خافي الصدر علمه لخالقنا
ياصاحبي أشواقنا والله ماقواها
مادام بعد السكك ياشيخ محرقنا
خلوتك من بيننا ياكبر فجواها
والله مابالغ من مغربنا لمشرقنا
مشاعري صدقها هو كل محواها
اخاف انا أقولها والوقت يسرقنا
لكن هاذي تحياتي وبآسماها
وعليك توصيلها وانته منسقنا
سلم على اللي يزين الارض ممشاها
لولوتن في بحرها الحب مغرقنا
بنتن تترجم لها في لحظة إحكاها
من شفتن كن عسلها أصبح يطوقنا
أشقر شعرها وطول العنق يزهاها
ظريف طوله وبالممشى يروقنا
في مشيها دوب ياهي تسحب إخطاها
من الغنج والغنج كثّر مشاهقنا
أصل البخت ياخي منها من مزاياها
والعطر من زفرت أنفاسه يفوقنا
البعد حل دونها واليوم بلواها
وحسبي على الحب فيها كيف علقنا
والنفس مابين تامرها وتنهاها
وانا ونفسي هوانا اليوم مرهقنا
وسلم على نفسك اللي صوب منحاها
ويالله عسى نلتقي ومالله يفرقنا
وسلامتكمـ ..
الشوق يسبق نظرتي لمنياتي .. لوّه يشاف إن كان عدّى الشواهيق
والشوق لهفه ياحياتي لحياتي .. لاصرت جنبي واللقى شبه توفيق
..
أتشرف بمتابعتكم بتويترalharbi085@
|
