بسم الله الرحمن الرحيم
السلام عليكم ورحمة الله وبركاته
تكفى يابوفيصل ترى البعد ذباح=هيض علي جرح من العام كانيه
لاني بلاسالي ولاني بمرتاح=حاولت في جرحي ولا احتلت اداويه
سري لغيرك يا ابيض الوجه ماباح=اخاف من شر الزمان وتواليه
الهم وسط القلب ياخوك ماراح=هم الوله في داخل القلب مخفيه
القلب يحزن وازرق الدمع ماطاح=صابر على جور الزمان وبلاويه
قبل امس في في بحر المواصيل سباح=واليوم لو هو يسمع الصوت بدعيه
بقوله حبك على القلب سفاح=جار الزمان وفرق الشمل بايديه
ضاعت دروب القلب في كل مرواح=وقف على دربه وتاهت خطاويه
فتكفى يابو فيصل ترى البعد ذباح=لااحتلت جرحي ولا احتلت اداويه
