السلام عليكم ورحمة الله وبركاته
وكل عام وانتم في خير وصحه وسلامه ان شاء الله
نجدد اللقاء معكم ياخوتي بهذه القصيده لعلها ترتقي لحضراتكم
عين الندم لا قابلت عين الوجع ماهي تفيـد=الجرح يبقى لو تداوى اثره وانا الي خابره
صكيت بيبان اللقا وش في اللقا مامن جديد=الهجر حل وجات من بين الضلوع الصافره
رح والله يسامحك ويسمح طريقك والاكيد=اني احبك والمحب الي تحبـــه شاكــره
علمني ان حبك مصالح وانت من عقبي وحيد=تندم وترجا شوفتي وعروق قلبي خادره
ماعاد لك في القلب ياخلي مكان ولا رصيد=بالرغم بان كل الاماكن ياوليفي شاغره
وش لي بمن يرضى عذابي مايفيد ويستفيد=اقلوب عطشانه على شوفه تواجد سابره
بعد الفراق المر وايام العنا صرت العنيد=الي لو انك اتموت قدامه ضحك من خاطره
معاد تعني ياحبيبي في حياتي لي وريد=امن اوردة قلبٍ غدت بعدك عجـافٍ ضامره
العشق علمني بعد فرقاك مضمون القصيد=وهذي قصيده قلتها لك بعد هجرك فاخره
