الملتقى الجماهيري للشاعر محمد بن فطيس المري - عرض مشاركة واحدة

#1 08-27-2012, 01:53 AM

عادني با اعتلي بالصوت لجل المزاد
لين يرقى طموحي للفضا واستريح

ما علي من كلامك يا بليد الفواد
وما علي من فوادك كان لجلي جريح

قالو اليوم جاك وقلت من هو عناد
قالو عناد قلت اسمع لحسه وتيح

كبوة العز ما تاتي سوا للجواد
والبليه عليه الصايحه ما تصيح

كل ما جر صوت العز صوبي بلاد
شفت صوت الردا من صوب الاعدا كسيح

اضهد القوم لني ما لقيت اضدهاد
راية العز رفت بي معى كل ريح

ان بغيت الهجاد اصير كلي عتاد
لين اخلي مقام الشيخ صوبي طريح

ان تعليت اعلي دون اي اعتماد
ما لعزمي مدا غير ان دنا للضريح

شاعر اكيلها من كل شعبٍ وواد
لين اخلي لها بين الخلايق رزيح

ان جلبت المعاني ما غشاها كساد
وان جلبت القوافي جا نباها فسيح

واصبح اليوم هرج اعناد مثل الجراد
عفوا الا غدا له يا عربنا نبيح

جوف صدره بلا زود به الاتقاد
لين بين علينا في زفيره فحيح

انتكاسة هواه اتحث له لنتقاد
وانشراحة هواي تعاف لجلي المطيح

صار لون الليالي في عيونه رماد
يوم لون الليالي في عيوني سميح

هاجسه ما عطاه الود للارتداد
لن فهمه شحيح ولن عقله شحيح

ذي حروفي على ظهرك تشد الشداد
لن عقلي نظيف ولن هرجي صريح

ما يصح الكلام بدون بلغ المراد
والنهايه ترا ما صح غير الصحيح

المصدر: الملتقى الجماهيري للشاعر محمد بن فطيس المري