الملتقى الجماهيري للشاعر محمد بن فطيس المري - عرض مشاركة واحدة

08-30-2012, 03:55 AM

السلسال
أنا ديمومة الغربة ولمحه يا سما ورمال
أنا الرحال أتابع للمسيرة واحة أحلامي
تهجيت الضيا نوره بعيني مسرح الآمال
وكتبته في مساي أنه حقيقة أول أوهامي
وثانيه السراب اللي أشوفه للوصال اوصال
لقب ٍ يدفعه وقته وهو من شدته ظامي
لقا من دونه الرحلة طويلة كنها السلسال
حلقها.. من الشقا والهم وموت ٍ مبسمه دامي
على جيد ٍحمل وزر السنين المذنبة اجبال
ولا كلت متون ٍ شالت إجرامي على إجرامي
وتعب ساق ٍيجوب الأرض يدور للعذر مدخال
ولكن حيلتي بالي خلقني وقوّم إعظامي
عليه أشكي زمان ٍ شفت منّه دمعة الرجال
تطيح من القهر والوقت ذلّه كنه إلجامي
لساني كبلّه حرف ٍ تلعثم ونحبس غربال
بصدرٍ تجمع أنفاسه رماد أضلوعه الحامي
تدفآ قلبي من برد الفراق وثلجه القتال
على نار الضلوع اللي حرقها والع إلهامي
فراق ٍ من عشير ٍ حافظه مثل العهد لا زال
وأوفي فجوة أفراقه بدمع ٍ يفزع آلامي
وسولف للألم تدري بأنك أول الأطلال
وثانيها المكان اللي جمعنا شوق وهيامي
عشير ٍ كن فيه الطهر والعفة وقر وجلال
وروح ٍ من تحلّمها حنان ٍ يكفي أيتامي
وملامح يوسفية حطها ربي عليه خصال
بعين ٍ كحلها ليل ٍ سريته شادد احزامي
وجديل ٍ قيد خيوط الحرير ولمعته كاللال
ومبسم أختلط ريقه بتوتٍ من شجر شامي
وجيد ٍ لين كفينه الين الساق والخلخال
يزين مشيته والا تثنى أعض الأبهامي
وسقا الله يوم كان لدنيتي مثل الهدب وضلال
لعين ٍ لا بكى طرف الحزن من قسوة أيامي
ولقلب ٍ حس من عقبه ضياع لخطوة الدلال
لأنه وجهتي من وين ما وجهة قدامي
خياله قد بنى بيت ٍ فموق العين له زرفال
وبابه جفني الساهر وخدي بيد وخيامي
يسلني عقب فرقاه ويلّعبني بطيش أطفال
وإذا مني تهاديته رجع واعلن لي إعدامي
ووقف متعب الخطوة ولا ادري وين لي ترحال
أدور عن أمل يحي وآثاري حظنا طامي
مثل واد ٍبطاه السيل من مده ولا قد سال
وجفّ القاع من عقبه ولا به زرع وخزامي
وحب ن قصدنا نذريه ولكنّ الهوى ميّال
نثر جهد السنين اللي جمعنا حبها أعوامي
فقيرة حالة العاشق واظن الفقر فاحسن حال
وإذا كان الفقر فالزاد...أنا الطاوي وأنا الظامي
وأنا وجه الغريب اللي في صحرا دنية الآمال
أدور قافلة حبي وأدور واحة أحلامي
عامر ال شنيف