08-31-2012, 02:07 AM
|
|
|
رواية موعد ...!
انا اللي ناسيٍ همي الين اذكرك واشقابـك
واجاهد عبرةٍ حنت على ذكـرى مواجعهـا
تحن لشارعٍ هادي على جنبه سكـن بابـك
تسابـق دقتـه دقــــــــات قلــبٍ مـا توقعهـا
اسير ليمته خايف واحس انك على اعصابك
واقـــصــر خطوتي لافكار ارتبهـا واضيعهـا
انا وشلون اببدا كيف اقاوم وحشة غيابـك
واداري عبرتـي قـــــدام بسمـاتٍ تصنعهـا
ترى يوم انظر كفوفك وامدح نقشة خضابك
اخاف ارفع نظر عيني واسيل دمعتي معها
اشوف الكحل من عينك يسيل وكحّل ثيابك
انا ودي دموعك فـــي يمينـي لـو اتجمّعهـا
وابشربها عسى تشفى جروحٍ كلها اسبابـك
جـــــروحٍ بالحشى ياويل قلبٍ ساكـن معهـا
رواية مــوعــدٍ قفـا زمانـه وانـت قفابـك
نعم حبيت اراجعهـا واكررهـا واسمعّهـأ
وانا الي ناسيٍ همي الين اذكرك واشقابـك
واجاهد عبرةٍ حنت على ذكــرى مواجعهـا
الشاعر مشعل بن جريد
من صاحبـي زلتـه لاجـات امشيهـا امــا عـلى حشـمته والآ لشيبانه
اطـا عليها ولا كنـي بـمـوحـيها واصد عنها وابرر غلـطـة لسـانه
واحسب عواقيبها والله يـعـديـهــا من خوف لايدري الحاقد وشـيـطانه
|
