مزمار حي القوم في كل لاوطان=مهما تميز مالصوته طراوه
يبقى يعل الكبد ويسم لابدان=وحلاوته ماهي تسمى حلاوه
وانا على قولي دلايل وبرهان=ماهي حكاية طيش ولا فضاوه
تلقى فلان يحاول يقلد فلان=اعجاب مدري من فراغ وغباوه
يفكر ابيات الرياجيل دكان=ولا تميس وحُق تونه وطاوه
غلطان - لا - ماضنه انسان غلطان=وان قلت حاقد ماخبر لي عداوه
ويبقى الدواء مادامنا باقي اخوان=انك تروح بكل طيب وهداوه
وحتى لو انك عذب والحانك الحان=سافر مع اول من يسافر وخاوه
