لحظات الجفا
لو بيدي غيابي ولوبيدي الحضور=كان علقت ثوب السالفه والكلام
اتحرى الحقيقه واتلاشا الغرور=بين نور التواصل وبين صمت الظلام
أعذروني عساني بين ربعي معذور=احترم بالتواجد وارتفع بأحترام
انكسار الخيال وفالحقيقه كسور=وين ابلقى الاحبه وين صفح السلام
لاجسور المحبه لاجسور المرور=من غمام الدروب ومن دروب الغمام
ريحة الورد فاحت بين عبق الزهور=وريحة الفل تعطي فوق ريح الخزام
شاعر العشق ينثر للمشاعر شعور=في قصيدة تعانق من حلاها المرام
أعشق النور نور ٍ من حساب الظهور=وأكره الوقت لحظات الجفا والملام
من قصايد - موسى مساوى ابومشهور
