ترى أول عذابي يوم قالوا حبيبك راح = ركب في القطار ولاتصرف يوادعني
وصلت المحطه وحسب انه كلام امزاح = وزاد العنا بي يوم شفته يطالعني
يأشر بكفه لي يقول الهوى فضـّاح = تحمل ترى المذكور عندي يراقبني
بغيت اتجمل وأكتم السر لكنه باح = وقلت الرجاء ياسايق الريل ركبني
تراني عقب فرقا الغضي ماقويت أرتاح = خطير ٍعقب فرقاه روحي تفارقني
وزاد الشقا في القلب يوم المنبه صاح = ووقف على الطاقه حبيبي يكلمني
خزرني بعين ٍ كن فيها سلال أرماح = وفريت وجهي خايف الدمع يفضحني
عقب ماقطعت الياس زادت بي الأجراح = ورفعت صوتي وأحسب الزين يسمعني
رجعت لمحلي اتذكر زمان ٍ راح = مع الصاحب اللي يوم الأثنين فارقني
ليالي مضت لي كلبوها ليال ملاح = أبطلب عسى الله مع هوى البال يجمعني

المصدر: الملتقى الجماهيري للشاعر محمد بن فطيس المري