اشتاقلك ياماضي الوقت لو كان=ماعاد باقي لليالي محبه
ودي لو اغسل جرح واعالج احزان=طفلن رماه الوقت غبه وكبه
وساق القدم من غير وجهه وعنوان=ولا به طريق الا مشابه وذبه
شفته بحلمي واقفن عند بستان=الوقت حول فوق زرعه وشبه
ومن بعد ماهو بالمحاصيل مليان=عود رماد وكل نسمه تهبه
وطالع بعينن دمعها مابعد بان= باقي بصدمة موقفه ماتنبه
ومن بعد حس وشاف للنار دخان=صاح وتحراء من يجيه وينبه
ومروا عليه فلان وفلان وفلان=هذا يطالعبه وهذا يسبه
ماكن باقي في البشر رحمة انسان=الا وجيهن بالخلايق تشبه
وبان القهر في وجهه اشكال والوان=ورفع يدينه في مناجات ربه
وراح المكانن شاف به روس عيدان=وحول على باقي حصيله وحبه
ومن ذاك لا ذا اليوم والوضع مازان=وعينه رهينة كل دمعن تصبه
وحلمي ماهو محتاج شرح الرويسان=انا اخبر العالم بجرحه وطبه
الوقت جرحه شين وعصيه امتان=وياما فتك بانسان من غير سبه
